קאווע שטיבל

בא גד האט געשריבן:שמעקעדיג זאגט פיין
און לאמיר נישט אריינגיין אין די עצם טענות פון ביידע זייטן

לאמיר גיין צו די לעצטע פאקטן לגבי די ריינער פאנעט קעיס אפאר נקודות וואס איז באקאנט פאר יעדעם:

1. סאיז קיינמאל נישט ארויס א ענדגילטיגע פסק פון דעם בורר

2. סאיז ארויס א "ביזדערווייל" פסק פון בערגמאן אז ביידע שותפים זאלן באקומען גלייך אויף גלייך צוטריט צו אלעמען
און ריינער האט עס נישט געפאלגט! און פארכאפט די גאנצע קאפאני און לאזט נישט צו מרת פאנעט צו גארנישט

3. בית דין בית יוסף האט ארויס געגעבן (נישט קיין עיקול! נאר א) פסק (ליין די אינהאלט פון זייער בריוו דאס איז נישט א טיפיקל נוסח פון א עיקול) דאס איז א פסק געבויט אויף בלויז אויסהערן איין צד בשעת בית יוסף האט בכלל נישט געוואלט אויפנעמען פאנעט און הערן זיין צד

4. די עיקול איז געבליבן בתוקף כאטש ער איז צוריק געגאנגען צו דעם בערגמאן בשעת כולי עלמא מודה אז אויב גייט דער בעל דין צוריק צו בית דין נעמט מען אראפ דעם עיקול

5. די זעלבע מיט די דיינים ר חיים יענקל טויבער פון באבוב ר אשר עקשטיין פון בעלז און ר יחיאל באבד פון טאטיקורב האבן באפוילן גראסעריס ארויס צו ווארפן הונדערט כאטש פאנעט איז שוין דעמאלס צוריק געזיצן ביי בערגמאן

6. די דערמאנטע דיינים האבן קיינמאל נישט פארדעם אפילו פרובירט צו הערן פאנעטס צד
פאנעט האט אויפגעוויזן אין זיין שטענעל ווי אפילו נאכדעם ווען ער האט זיי הנ"ל פרובירט צו רופן זענען זיי געווארן טויב און בלינד

7. פאנעט האט בשעתו מסכים געווען צו גיין צו א בית דין של שלשה און צד ריינער איז געווען דער וואס האט עס אפגעווארפן

8. כביכול די טענה פון די אלע דיינים איז געווען אז מען מעג טון צו פאנעט יעדע רשעות מעגליך ווייל ער האט זיך געוואנדן צו ערכאות
אבער אפילו נאכדעם וואס פאנעט האט געפאלגט און האט זיך ארויס געצויגן פון קארט אויף 100% איז די אלע רשעות געבליבן בתוקף

נאכמער: נאכדעם האט צד ריינער ממש גערופן פאליציי אויף פאנעט אים צו ארעסטירן מיט פאלנע שקרים, משום מה האט מען נישט געהערט א פיפס פון סיי וועלכע פון די דערמאנטע דיינים איבער צד ריינערס ערכאות און מסירה

9. נאכמער! בשעץ ווען מען האט געלייגט לחץ אויף פאנעט זיך צו ארויס ציען פון ערכאות איז נאך ריינער יא געבליבן!! און סהאט קיינער קיין ווארט נישט געזאגט!!!

ועל כולם:
צוויי בתי דינים האבן יא אויסגעהערט ביידע צדדים און דאס איז בית דין מחזיקי הדת בעלז אין א"י און פאלטיטשאנער בית דין פון ב"פ
די ביידע בתי דין וועלכע האבן יא אויסגעהערט סיי ריינער און סיי פאנעט האבן געשריבן א בריוו א די עיקול פון בית יוסף איז בטל ומבוטל
ומשום מה האט די סיסטעם נישט געוואלט קוקן אויף די צוויי נאר געפאלגט דעם בית יוסף עיקול כאטש כאטש כאטש כאטש
פון די פאקטן לערנט יעדע חדר אינגל (פאקטן שאין חולקים עליהם סאיז פאקטן וואס יעדער קען מברר זיין) אז די סיסטעם איז קאראפטירט און פארשימלט פון אויבן ביז אראפ
אז רבנים און דיינים קענען זיך אזוי אויפפירן איז מער קיין דעת תורה נישט דא דערווייל

דאס איז געזאגט געווארן אן נעמען א צד אין די עצם פייט צווישן די ביידע צדדים
דאס איז לגבי די טעראר וואס די דיינים זעלבסט האבן געפירט קעגן פאנעט

סא וואס איז דאס אויב נישט אפענע קארופציע?
איך האף אז פאנעט גייט טאקע סוען די אלע דיינים און זיי מסדר זיין אין קארט ווי עס קומט זיי

עמק הבכא האט געשריבן:מיינט צוויי צענט:

מענטשן בטבע גלייכן נישט קיין נרדפים. מ'וועט טאקע רחמנות האבן אויפ'ן נרדף און אים אפשר אויסהערן, אבער נאכדעם וועט מען זיך זוכן אפצושאקלען פון אים. די סיבה דערצו איז וויבאלד א נרדף, אן עני, א פארביטערטער, ברענגט נישט קיין גוטע מצב ארום זיך, ס'פילט נישט גוט צו שטיין נעבן אים. ער קען זיין גערעכט, קען אויך זיין אז ער איז במהותו א געשמאקער פאזיטיווער מענטש, נאר איינמאל ער שפירט זיך ווי א דורכפאל, און ער באשולדיגט אנדערע דערין, שפירט דער מענטש וואס רעדט מיט אים אויך ווי א דורכפאל און ער וועט זיך אפשאקלען בעוד מועד.

עס קומט ארויס זייער שטארק ביי קינדער. מ'ליינט אסאך מאל די סטאריס פון מענטשן וואס זענען געווארן געבוליט אלס קינד, שרייבן זיי אייביג אז ס'איז בעיקר געווען איין רודף און קיינער האט זיך נישט אנגענומען צוליב פחד פון דעם קעניג פון קלאס. לדעתי איז עס נישט ריכטיג, מעגליך טאקע אז פחד שפילט אויך א ראלע, אבער די אמת'ע סיבה פארוואס קיינער איז נישט מקרב דעם וויקטעם איז פשוט ווייל זיין מהות אלס נרדף מאכט אנדערע קינדער פארלירן דעם אפעטיט פון זיך באפריינדן מיט אים.

אלוקים יבקש את הנרדף, דער אייבערשטער קוקט זיך אום, ווייל ער האט נישט ווער ס'זאל זיך פאר אים אננעמען. און טאקע נאר דער אייבערשטער, ווי אויך א צדיק וואס האט א ריין הארץ און איז אין א בחינה פון אלקות, קען זיך באמת קערן צום נרדף, אבער פשוט'ע מענטשן וועלן שטיין ווייט.

לענינינו, ווען ר' מענדל הערש פאנעט קומט מיט אזא שארפע ווייטאג, מיט אזעלכע פארביטערטע טענות קעגן זיינע געוועזענע שותפים, מאכט עס טאקע א רושם אויף די צוהערער און מענטשן פילן באמת מיט זיין צער, אבער מען גייט אוועק דערפון מיט א ביטערן טעם אין מויל. מענטשן טראכטן צו זיך ב"ה מיינע קינדער ווארפט מען נישט ארויס פון די מוסדות, איך דארף נישט פארקויפן מיין דירה, איך פארטראג מיך מיט מיינע ביזנעס קאלעגעס, איך האב זייער רחמנות אויף דעם צעבראכענעם איד, נאר צו וואס לאזן דאס הארץ ווערן איבערגענומען פון אזעלכע נעגאטיווע געפילן.

מיין עצה צו ר' מענדל הערש איז אז ער זאל זיך אביסל ווייניגער באנעבעכן. ער קען ווייטער ארויסברענגען די עוולות וואס זענען באגאנגען געווארן קעגן אים, נאר ער זאל פירן דעם קאמף מיט עטוואס מער זעלבסט-רעספעקט. דאס זיך דערקלערן אלס אזא שלימזל און לוזער ברענגט אפשר מער סימפאטיע אויפ'ן מינוט, אבער פארטרייבט מענטשן אויפ'ן לענגערן טערמין.

למדן וחסיד האט געשריבן: ↑זונטאג נאוועמבער 12, 2023 5:41 am סאיז מיר זייער אינטרעסאנט פארוואס ער איז כמעט שטיל געווארן אויף יוטוב, כמעט נישטא קיין נייע סחורה

שפילער האט געשריבן: ↑ ער האט זיכער געהאפט ארויסצוגעבן א מאגעזין פאר עדאלטס יעצט אז קינדליין האט געפענט איז ער סטאק!

בעל בעמיו האט געשריבן: ↑ לכבוד האי ספרא רבה ר' מענדל הערש פאנעט הי"ו

מיט צער און ווייטאג קוק איך מיך צו צו דיין צער און ווייטאג. דו האסט אויפגעשטעלט א שיינעם ביזנעס, דו האסט געמאכט א רעוואלוציע אין אידישע ליין מאטריאל, בפרט ביי קינדער, און יעצט איז אלעס געגאנגען לטמיון, צוליב א סכסוך וואס דו האסט מיט דיין שותף. דו ביסט געבליבן בעירום ובחוסר כל, מיט גרויסע חובות. הקב"ה ימלא חסרונך.

עס טוט מיר אויך אביסל וויי אז מיינע קינדער וואס האבן אזוי ליב געהאט דיינע מאגאזינען, גייען דאס מער נישט האבן. זיי האבן פארלוירן דאס בעסטע ליין מאטריאל וואס זיי האבן געהאט.

רבי מענדל הערש, דו גייסט יעצט פובליק מיט די השחתה וואס דו האסט געזעהן ביי די דיינים און רבנים. דו שרייבסט און זאגסט דרשות ווי דו ביסט מגלה וואס עס האט זיך אפגעטאן אונטער די קוליסן. און איך וויל מיך אביסל באציען אויף דעם.

בתי דינים זענען קארופטירט, מיר אלע ווייסן דאס. עס איז נישטא קיין איבערזיכט אויף די בתי דינים, וואס דאס איז א סגולה פאר יחידי סגולה און קאנעקטעד מענטשן דאס אויסצונוצן פאר זייערע אינטערעסן.

נאטינג ניוז היר.

דאס גייט שוין אן יארן לאנג. יעדער מענטש מיט א ביבער הוט וואס האט א לעטערהעד פון א בית דין, קען טעראריזירן וועמען ער וויל. יעדער באיצטלא דרבנן קען נוצן אלע הויך-קלינגענדיגע לשונות ווי מסרב, עיקול, בית דין, מרים יד, מסור, וכל שום וחניכה דאית להם. אויב וואגסטו דיך נישט צו פאלגן דעם ביבער-הוט מענטש, מעג ער דיך מבזה זיין ברבים. פון איין מינוט צום צווייטן קענסטו דיך טרעפן אן קיין מוסד פאר דיינע קינדער און אן דעם וואס מענטשן זאלן וועלן האנדלען מיט דיר.

איך דארף דיר דאס נישט דערציילן. מבשרך תחזה. דו ווייסט וואס דו ביסט אדורך אונטער די האנט פון די טעראר וואס האט דעם קלינגענדיגן נאמען "בית דין".

דאס איז נישט עפעס וואס איז געשען נעכטן נאכט און דאס האט זיך נישט אנגעהויבן מיט דיר. דאס גייט שוין אן יארן לאנג. בעלי זרוע מיט די הילף פון רבנים טוען מה שלבם חפץ, ואין פוצה פה ומצפצף! יעדער האט מורא צו רעדן. קיינער וויל נישט ווערן אן אפגעפרעגטער. קיין איין טאטע וויל נישט טרעפן זיינע קינדער אינדערהיים אן קיין חדר נאר ווייל ער האט חלילה געהאט מחשבות זרות אויף א איד וואס האט דעם טיטל הרב.

אבער ר' מענדל הערש, דו האסט געשטיפט דעם באן די אלע יארן!

צו קענען אנגיין מיט די קארופציע, דארפן די פירער האבן א בלינדן עולם. אן עולם וואס גלייבט אין זיי. אן עולם וואס זעהט אין זיי עפעס מער, עפעס גרעסערע כוחות. דער עולם דארף באקומען כסדר'דיגע איינשלעף מעדעצינען.

אז איר קוקט אין די וועלט פון דיקטאטורן וועט איר זעהן אז זיי באקומען די מאכט דורך האבן מענטשן וואס גלייבן אין זיי. זיי קאנטראלירן דעם מוח פון די מענטשן.

איינע פון די מיטלען צו פארמאכן די מוחות פון מענטשן איז דורך קאנטראלירן די אינפארמאציע וואס דער עולם באקומט. דער עולם קען נאר באקומען פאזיטיווע אינפארמאציע אויף דעם סיסטעם און די דיקטאטורן. האבן דעם בעלות אויף די צייטונגען און מאגאזינען איז דער ערשטער זאך וואס די דיקטאטורן פארלייגן זיך אויף.

דייינע אויסגאבעס, קינדליין און הונדערט, זענען געווען קאנטראלירט ביי שיינע אידן. זיי האבן געגעבן זייער הסכמה. זיי האבן דארט געשריבן. דארט האט מען געשטיפט דעם וואגן. אין דיינע אויסגאבעס זענען שיינע אידן געווארן באשריבן אויפן שענסטן אויפן. דארט האט מען דערציילט אותות ומופתים פון זיי. דארט האט מען געפרעדיגט אמונת צדיקים, אז מ'דארף גלייבן אין יעדן בעקיטשע איד. דארט האט מען שיין געמאכט דעם סיסטעם וואס דו באשמיצט יעצט.

אויב געדענק איך גוט, איז דארט אפילו געלאפן אן ארטיקל איבער די ארבעט פון א בית דין. ווי הייליג די רבנים פירן זיך אויף, ווי ערליך זיי האנדלען און ווי ערנסט זיי באהאנדלען שאלות און געפעכטן!

אין דיינע אויסגאבעס האט מען נישט געפינען קיין איין שלעכט ווארט אויפ'ן סיסטעם. קיין איין השחתה האט מען דארט נישט פארציילט. דארט האט מען נישט געלערנט די קינדער צו טראכטן. דארט האט מען נאר געפרעדיגט, אויסגאבע נאך אויסגאבע, בלינדע צוטרוי צו די בעלי זרוע.

אין דעם קינדליין האט מען נישט דערציילט פאר די קינדער אז בתי דינים פסק'נען נישט וואס די תורה הייסט. אז דער ולא תגורו מפני איש אדער דער איסור פון שוחד זענען שוין נישט קיין ארטיקל היינטיגע צייטן. אין דעם הונדערט האט מען קיינמאל נישט דערציילט פאר די קינדער אז עס זענען דא מענטשן וואס לאקערן אויף זיי. מ'האט דארט אכט געגעבן אויף דעם סיסטעם אויפן חשבון פון די קינדער.

דאס איז פון וואו די רבנים און בתי דינים נעמען זייער כוח און מאכט. פון קינדווייז אן ווערן די קינדער געפיטערט אז מען טאר נישט האבן קיין קשיות. אז יעדער בנש"ק האט עפעס א כוח. אז יעדער שיינער איד פארשטייט בעסער פון דיר. אז יעדער רב קען טוהן וואס ער וויל און דו קענסט נישט האבן קיין טענות.

איר הערט ר' מענדל הערש, דו האסט זיי געגעבן דעם כוח צו טוהן מיט דיר די השחתה וואס זיי טוען יעצט מיט דיר!

ווען די השחתה וואלט נאר געווען ביי דיני תורות, החרשתי. אבער ליידער ליידער גייט דער השחתה אן כמעט אין יעדן אספעקט פון אונזער לעבן, פון כשרות ביז ישיבות. פון פעדעפיליע ביז מחלוקת. רבנים מעגן טוהן וואס זייער הארץ באגערט, און עולם גולם דארף דאס אננעמען ווי תורת משה מסיני!

קינדליין און הונדערט זענען געווען דער פאן טרעגער פון די רבנים!

יעצט ווען די זעלבע רבנים האבן אויסגעדרייט זייער געווער אויף דיר, ווען זיי האבן איינגעזען ברוחב בינתם אז פאר זייער אינטערעסן איז דיין געוועזענער שותף בעסער, קומסטו וויינען צו אונז?!

איך וויל נישט חלילה גיסן זאלץ אויף דיינע וואונדן, בפרט נישט בעת צר, ווען דיינע וואונדן זענען נאך אפן. די סיבה וואס איך שרייב צו דיר איז לתועלת העתיד.

יעצט ווען דו זיכסט עצות וואס צו טאן ווייטער, וויל איך אריינווארפן מיינע צוויי צענט:

דו האסט יעצט שני דרכים לפניך. איין דרך איז זוכן פרנסה אין דעם באקס וואס ווערט קאנטראלירט דורך די זעלבע אידן וואס טיילן דיר אויס ציפקע צרות. דו קענסט זוכן מיטלען ווי אזוי ווייטער צו ברענגען פאר די קינדער וואס קינדליין האט געפרעדיגט. דו קענסט פראבירן א נייעם וועג ווי אזוי ווייטער צו פארהייליגן דיינע אונטערדריקער. אפשר נישט אין קיין מאגאזין, אבער אפשר גיין דיזשיטעל. דער תוכן וועט בלייבן דאס זעלבע, נאר דער מיטל גייט זיך טוישן.

דער אנדערער דרך איז טוישן דעם תוכן. פון היינט און ווייטער גייסטו מער נישט זיין אונטערגעווארפן אונטער דעם טעראר, באשלייערט מיטן נאמען רבנים. דו גייסט מער נישט זיין דער וואס גייט פארהייליגן השחתה.

עס דא איז דא אסאך וואס אזא טאלאנטפולער אינגערמאן ווי דיר קען טוהן. דו קענסט שרייבן ביכער אויף וויסנשאפט וואס וועט ברענגען א תועלת פאר די קינדער. דו קענסט האבן ביכער אויף חשבון, ענגליש, אידישע און וועלטליכע היסטאריע, פיינענץ, ביזנעס, מאפע און נאך. אפשר קענסטו גאר אויפמאכן אן עפטער סקול פראגרעם אנליין ווי דו וועסט לערנען מיט די קינדער די זאכן. דו קענסט אויך האבן קלאסן אויף טאלאנט ווי נגינה און מאלן. דו קענסט לערנען קינדער שרייבן. עס איז דא א געוואלד זאכן וואס דו קענסט לערנען מיט די קינדער וואס איז נישט קיין לימוד צו פארשטאפן די קאפ פון די קינדער מיט שטותים און בלינדע צוטרוי צו רבנים און צום סיסטעם.

אפשר קענסטו מאכן אינטערעסאנטע קארטלעך אויף חשבון, ווי די קינדער וועלן זיך קענען לערנען עפעס וואס גייט זיי צוניץ קומען אין לעבן ווי איידער זיי זאלן טרעדן שומרים קארטלעך. קענסט מאכן קארטלעך איבער היסטאריע, וואס וועט געבן פאר די קינדער אסאך מער ווי די קארטלעך פון וויפל מצילי אש מעמבערס ס'איז דא אין קרית יואל און וויפיל הצלה מעמבערס ס'איז דא אין אנטווערפן. קארטלעך פון לענדער אויף די וועלט און זייער לאקאציע, וועט געבן פאר די קינדער א געוואלד מער פון קארטלעך פון אידן מיט קאלערדיגע בעקיטשעס.

נאך בעסער. עס איז מעגליך דא א פארלאנג פאר א ישיבה וואס איז געשטעלט צו מחנך זיין פיינע ערליכע קינדער, ווי איידער א ישיבה וואס איז געשטעלט אז די בחורים זאלן מאכן א שם טוב פאר די ישיבה. דו קענסט זיין דער פיאנער, דער רעוועלוציאנער. דו קענסט עפענען א ישיבה שלא למצויינים. א ישיבה מיט בא'טעמ'טע מגידי שיעור, ווי יעדער בחור קען לערנען אין א ווארעמע סביבה.

עס זענען דא נאך אסאך וועגן מיט וואס דו קענסט עפעס אויפטוהן מיט דיינע טאלאנטן ווי איידער נוצן דיינע טאלאנטן צו שטופן דעם וואגן פון השחתה.

וועט זיך עס אויסארבעטן? איך ווייס נישט. דער סיסטעם גייט דיך אוודאי פייטן. זיי קענען זיין סוקסעספול. אבער עס איז נישט זיכער. דער שטערן יוכיח. עס איז זייער מעגליך אז דו וועסט דיך טרעפן מיט הונדערטער קינדער וואס זייערע עלטערן זענען גרייט צו באצאלן אז דו זאלסט זיי אויסלערנען עפעס זאכליך, נישט קיין חילוק וויפל איסורים וקול קורא'ס עס גייט זיין.

דו קענסט אבער זיך אויסוועלן דעם אנדערן דרך. דער דרך פון ווייטער שטופן דעם וואגן וואס איז דיר אריבערגעפארן. דו וועסט שטופן אז דער זעלבער וואגן זאל קענען אריבערפארן אנדערע אידן. דו קענסט באשלוסן צו קושן די האנט וואס האט דיר געשלאגן און לעקן די פיס וואס האט דיך געשטויסן.

קום אבער נישט נאכדעם וויינען צו אונז!

אויב גייסטו מיט דעם דרך, דארפסטו שוין אויפהערן צו באשמיצען דעס סיסטעם. דער סיסטעם געבט פאר איינעם וואס האט געליטן זייער א קליינעם גרעיס פיריעד ווען ער קען וויינען און שרייען. איינמאל דער צייט גייט פארביי, איז סיומא דלעלם. דו קענסט נישט מער קיינמאל נישט וויינען איבער די אכזריות וואס דו ביסט פאריבער. אויב גייסטו אנגיין מיט דיינע דרשות, גייען אפילו די פאר רבנים וואס האבן זיך אנגענומען פאר דיר דיך ווארפן איבערן דראנג. ווייל דער סיסטעם איז איבער אלעם, אפילו ביי די פאר דיינים וואס האבן פון צייט צו צייט א שטיקל דרייסטקייט צו גיין קעגן דעם שטראם.

אויב גייסטו אנגיין מיט אויפדעקן השחתה, גייסטו ווערן אן אפגעפרעגטער, א שגץ, איינער וואס טאר נישט האבן קיין השפעה אויף קינדער. רבנים וועלן דיר מער נישט שטיצן, זיי וועלן מער נישט געבן קיין הסכמות אויף דיינע ווערק.

עס איז מיין האפענונג אז דו וועסט אויסוועלן די קינדער איבער די רבנים. נארמאלקייט איבער השחתה. אמת'ע אידישקייט איבער א קארופטירטע סיסטעם.

אויב דו טוסט דאס, האף איך אז דו זאלסט מצליח זיין און דער אייבערשטער זאל דיר שיקן ברכה והצלחה, עושר ואושר.

טמיר האט געשריבן: ↑דאנערשטאג פעברואר 01, 2024 11:25 pm @לאכעדיג, כ'ווייס נישט פונקטלעך דיין אגענדע אנטקעגן רמ"ה, ס'איז זיכער נישט סתם ווייל האסט "איינגעזעהן" אין ריינער'ס גערעכטיקייט. אבער כ'וואלט דיך געראטן זיך צי בארואיגן, ווייל מתוך גנותו בא לידי שבחו.

אויב דו באקומסט באצאלט פאר דעם, קען עס זיין א חשש גזילה

בא גד האט געשריבן: ↑דאנערשטאג פעברואר 01, 2024 11:28 pm זעמער געוואר געווארן היינט אז מיר האבן דא גאר א חשובע ניק
א דאקטער!
א ראבינער אויך!
יעצט ביסטו מיר שוין א בעל רוח הקודש?
געטץ א קוק וואס מיר פארמאגן דא!!
שטעלט אייך אויף פאר לאכעדיג

לאכעדיג האט געשריבן: ↑דאנערשטאג פעברואר 01, 2024 11:38 pm

בא גד האט געשריבן: ↑דאנערשטאג פעברואר 01, 2024 11:28 pm זעמער געוואר געווארן היינט אז מיר האבן דא גאר א חשובע ניק
א דאקטער!
א ראבינער אויך!
יעצט ביסטו מיר שוין א בעל רוח הקודש?
געטץ א קוק וואס מיר פארמאגן דא!!
שטעלט אייך אויף פאר לאכעדיג

אבער ברוך ה' אז א גנב בין איך נישט...
און פאנעט האלט גאלאנטע רב שליט"א
ועוד רבנים אז ער איז יא א גנב.