קאווע שטיבל

אוי וויי. זאלעך גיין קויפן באטעריס?

שמואליק א אופדעיט ביטע

שיינע וועטער'ס וועט אנהאלטן ביז סוף וואך, שבת און אנפאנג קומענדיגע וואך וועט זיין קעלטער, מיט א רעגן אדער א שניי אינמיטן די וואך.

ועכשיו אסתגר בזה.

היינט איז געווען א הערליכע וועטער. א שאד אז עס וועט אנהאלטן נאר נאך איין טאג...

sunbar האט געשריבן:היינט איז געווען א הערליכע וועטער. א שאד אז עס וועט אנהאלטן נאר נאך איין טאג...

פריי דיך וויפל מען גיט דיר

די וואך קומט א קעלטערע וואך (אין די פערציגער), מיט א שטיקל שניי-שטורעם געשאצט אויף דינסטאג.
א וואך דערנאך, ערב חנוכה, זאגן זיי צוריק מער א ווארימע וועטער (אין די פופציגער).

מארגן געפאלט אויס א שניי, אבער שמואל הלוי איננו!
שמואל, אייכה????

ווער שרייט דא אזוי הויעך מיין נאמען?

אה! דו ביסט עס שמעקי ידידי.

זאגסטו אז מארגן געפאלט אויס א שניי? נו איז וואס? וועט שנייען אביסעלע, וועט אפשר זיין א אינטשעלע אדער גאר א צווייערל אין טייל געגענטער ספעציעל אין די צפון מערב סובארס און אין צפון ניו דזשערזי, ס'קען אפשר זיין אפילו אביסעלע מער, אבער נישט קיין ספעציעל גרויסע זאכן.

היינט נאכט וועט זיין אין אפסטעיט ניו יארק א קלענערע שניי וואס וועט זיך טוישן צו האגל און רעגן, אין ניו יארק סיטי וועט זיין שניי פלעיקס אין די לופט וואס וועט זיך תיכף צולאזן ביים לאנדן אויף דער ערד, און שפעטער וועט זיך עס טוישן צו רעגן.

א ווינטער וועטער אדווייזער איז אין קראפט פאר ראקלענד און אראנדזש קאונטיס פון היינט נאכט 7:00 ביז מארגן צופרי 7:00.

מיטוואך נאכמיטאג און ביינאכט ביז דאנערשטאג קען מעגליך זיין א גרעסערע שניי ספעציעל אין די העכערע חלק פון אפסטעיט ניו יארק, אבער אין ניו יארק סיטי וועט זיין א גרויסע רעגן מיט ווינטן.

מאר דיטעלס וועט אי"ה נאכפאלגן.

שמואליק וועלכם בעק חדש ימינו כקדם

שמואל הלוי האט אויסגעלאזט די ווינט דירעקציע היינט נאכט וועט דער ווינט בלאזן פון צפון מעריב דאס טייטש אז אויב וואקט איר אראפ ליע עוו צו ניי ווילעמסבורג זאלט איר האלטן דעם שירעם מער גענויגט צו שטוהל'ס דריי גוד

ישמעאל הכהן האט געשריבן:שמואל הלוי האט אויסגעלאזט די ווינט דירעקציע היינט נאכט וועט דער ווינט בלאזן פון צפון מעריב דאס טייטש אז אויב וואקט איר אראפ ליע עוו צו ניי ווילעמסבורג זאלט איר האלטן דעם שירעם מער גענויגט צו שטוהל'ס דריי גוד

לאל, שקועך כהן פארן פאררעכטן די לוי'ס רייד...

אקעי; ס'קומט היינט א שניי, הממ... וואס זאג איך א שניי? נע איך מיין אז איך מאך א טעות, פון צפון וועסטשעסטער ארויף ביז די קעטסקילס וועט זיין מער אויף די האגל'דיגע זייט ווי אויף די שנייאיגע, אבער פון די קעטסקילס און ווייטער וועט יא זיין מער אויף די שנייאיגע.

עכ"פ ווי ס'הייסט יעצט וועט אין ניו יארק סיטי הבירה תחת ממשלת בלומבערג יר"ה אויך זיין א שטיקל שנייעלע בעסער געזאגט א שטיקל האגעלע, אבער שפעטער נאכמיטאג וועט אלעס פארוואסערט ווערן, ווען ס'וועט גיסן עמער'ס מי גשמים באזאם מיט א רוח מזרחית וואס וועט אביסל אויפשאקלען די פארשלאפענע ווינטער'דיגע בוימער.

אין מאנסי וועט שוין זיין א אנדערע מעשה, דארט וועט זיין פארפרוירענס במשך היינט נאכמיטאג, ס'וועט זיך אנזאמלען גענוג צו קענען שאוולען אביסל. אבער שפעטער ביינאכט וועט אויך אין מאנסי דערגרייכן די מי גשמים און פארוואסערן די ווייסע סחורה.

ארויפציר אין אראנדזש קאונטי וועט זיין א חתיכה הראויה להתכבד שניי און אייז, און ווער רעדט פון נאך ארויפציר אין אפסטעיט ניו יארק.

אזלכע קאלטע וועטערס און קיינער אופדעיט נישט??? איי געס די עולם איז ביזי טרינקען הייסע קאווע

לעמיל האט געשריבן:אזלכע קאלטע וועטערס און קיינער אופדעיט נישט??? איי געס די עולם איז ביזי טרינקען הייסע קאווע

יא, א באנדע קאווע טרינקער

קאווע טרינקער האט געשריבן:

לעמיל האט געשריבן:אזלכע קאלטע וועטערס און קיינער אופדעיט נישט??? איי געס די עולם איז ביזי טרינקען הייסע קאווע

יא, א באנדע קאווע טרינקער

ובראשם מר' קאווע טרינקער
מר' קאווע ווען גייט איר נאך אמאל אויף וואקציע? מיר בענקען נאך אייערע סעקרעטארען

זעה דא
לכאורה קומענדיגע וואך

זייט שמואל הלוי איז געווארן ביזי, ווערן מיר נישט אפדעיטעד

שמואליק
מיר דארפען דיך דא!

די נייע וועטער ביורא

היינט נאכט קומט א מעין דמעין פון "סענדי".

שלאקס רעגענעס אינאיינעם מיט שטארקע ווינטן.

שושו ושמחו בשמחת השטיבל
שמואליק איז צוריק גיימער שוין וויסען די וועטער