קאווע שטיבל

נשלח: **מיטוואך סעפטעמבער 05, 2012 10:27 am**

שמעקעדיג האט געשריבן:און פארוואס א עקסטערע אשכול ווען ס'שטייט שוין ביי "יהא זכרו ברוך"?
(שוין געבעטן די מנהלים צו צוזאמענשמעלצן.)

צאמגעשטעלט.

נשלח: **מיטוואך סעפטעמבער 05, 2012 10:32 am**

גאלד האט געשריבן:א בילד ביטע?

קרעדיט אייוועלט

נשלח: **מיטוואך סעפטעמבער 05, 2012 10:33 am**

בד"ה!

אויף וועלכע הצלה קליפ שפילט ער? ביטע ברענגט א לינק.

נשלח: **מיטוואך סעפטעמבער 05, 2012 10:48 am**

שמעקעדיג האט געשריבן:און פארוואס א עקסטערע אשכול ווען ס'שטייט שוין ביי "יהא זכרו ברוך"?
(שוין געבעטן די מנהלים צו צוזאמענשמעלצן.)

אנטשולדיגט

נשלח: **מיטוואך סעפטעמבער 05, 2012 10:53 am**

http://m.youtube.com/watch?v=3XYR1yUYFSk

נשלח: **מיטוואך סעפטעמבער 05, 2012 11:18 am**

ער איז אויפגעשטאנען היינט צופרי, זיך נישט גוט געשפירט און געגאנגען צום רייד-עיד פארמעסי דא אויף מאנהעטן עוועניו. דארט איז ער צוזאמגעפאלן ווי די FDNY-EMS האט אים אריינגעפירט צום שכינית'דיגן וואדהאל שפיטאל ווי ער איז ליידער נפטר געווארן.

די לווי' וועט פארקומען אי"ה 1:00 פארנט פון ביהמ"ד דעשש אויף ראסס סט

(קרעדיט אייוועלט)

נשלח: **מיטוואך סעפטעמבער 05, 2012 11:21 am**

שמואל הלוי האט געשריבן:בד"ה!

אויף וועלכע הצלה קליפ שפילט ער? ביטע ברענגט א לינק.

Whose son in law was he ??

נשלח: **מיטוואך סעפטעמבער 05, 2012 12:55 pm**

הער איך יעצט פון אברהם יושע שמש אז יצחק מרדכי בראך האט אים פריער אריינגגעקאלט אז שלמה שמש איז געשטארבען...

וויצן געלייגט אין א זייט!
אוי משה יושע! משה יושע! אומגלויבלעך אז דו האסט אונז פארלאזט! דיין שמייכל און גוט ווארט וועלן מיר אבער אייביג געדענקן! סיי ווען האסט געטראפן א איד האסטו אייביג ארויפגעברענגט א שמייכל אויף זיינע לעפצן. כ'רעד שוין נישט טאמער האסטו געוויסט אז יענער גייט דורך שווערע צייטן, האסטו זיכער געמאכט אז בשעת ער איז מיט דיר פארגעסט ער פון זיינע צרות, און נאך קענען לאכן ביים איבערדערציילן וואס דו האסט אים געזאגט!
וויפיל אידן ובפרט חולי ישראל האבן זיך מחי' געווען מיט דיינע שפילן? וויפיל אידן האבן געפילט אז דו ביזסט זייער נאנסטע חבר? וויפיל אידן האסטו פשוט אויסגעצאלט זייערע טיקעטס ביי די פלעיס ווי די האסט גע'עקט פשוט אז זיי זאלן פילן אז דו האסט זיי אינזינען געהאט און האסט פלעין נישט געקענט שפילן נאר אז זיי זענען דארט?

זאלן די זכותים אים ביישטיין און די צובראכענע משפחה און דערשטיטערטע חברים און גוטע פריינד זאלן ווייטער קענען שמייכלן. ובלע המות לנצח אמן

משה יושע אין גוטע צייטן ביים משמח זיין: (מיט זיינע שותפים ר' מרדכי הערש הערשקאוויטש און ר' זלמן לייב (שכח שמואל הלוי...) סאנדל)

נשלח: **מיטוואך סעפטעמבער 05, 2012 1:01 pm**

שעפטל האט געשריבן:און ר' ... סאנדל

ר' זלמן לייב סאנדל הייסט ער.

נשלח: **מיטוואך סעפטעמבער 05, 2012 3:50 pm**

איך זיץ יעצט אין מיין האנדע און הער דעם הארציגן טעיפ פון שלומי דאסקאל, איך הער ווי מיט זיין נעימות'דיגע שטימע הייבט אן דעם 'צור כל העולמים' און יוסי גרין ברומט אונטער און צומאלט מיין הארץ אויף שטיקער. פון מיינע אויגן רינען חוצפה'דיג הייסע זאלציגע עמערס. איך קען נישט קומען צו זיך. מיין גוטער ידיד (מיין ידיד? יעדער האט געשפירט ווי דו ביסט זיין נאנטער פריינט) ר' משה יושע איז נישטא!!

דיינע זיסע הומאריסטישע ווערטלעך האבן דערפרייט אזויפיל אידן. דיינע ידיעות אין אלעמען און בפרט היסטאריע וועט מיר זיין אן אייביגער פארלוסט.

די בילדער וואס דו האסט מיר געשיקט וואס האט אזוי קלאסיש אפגעשפיגלט די סדרה פון די וואך האב איך מיר אוועקגעלייגט און וועט דינען אלס א דערמאנונג פון דעם טייערן איד וואס מיר האבן פארמאגט.

הוי, דער 'צדיק בכל הדורות' האט מיר געשטראפט. שאק כוואליעס לויפן מיר אדורך נאכאנאנד. נעכטן האט מען דיר געזען געזונט און פריש מיטן אייגנארטיגן שמייכל און יעצט פירט מען דיר צו דיין אייביגער רו.

שווער וועט זיין זיך צו טרייסטן נאך אזא איד.

איך מיש אוועק דעם עמאציאנעל טרייבנדער ניגון. א הילכיגער 'הוא יגאל אותנו בקרוב' שאלט ארויס. מיינע מחשבות דרייען זיך ארויף אויף א צווייטע ליניע.

משה שיע איז שוין נישט דא. ער האט שוין נישט קיין פיין אדער יסורים. די וואס בלייבן דא אויף דער וועלט וועלן זיך נאך דארפן פיל מוטשען און ארבעטן שווער איבערצוקומען די שטרויכלונגען און ווי דו ווייסט גוט זענען די מניעות פון א געלונגענער מענטש אנצוקומען ערגעץ אין אונזער היימישער וועלטל גאר שווער און געווענליך אוממעגליך.

אוי ווי עס ציפט. אבער מיר זענען נאך דא. מיר קענען נאך פארבעסערן. מיר קענען זיך אפשאקלען פון אונזערע שלעכטע מעשים. מען לעבט נישט שטענדיג. ווער איז זיכער אז ער וועט אויסדינען א הונדערט יאר?

נשלח: **מיטוואך סעפטעמבער 05, 2012 3:57 pm**

אךשמח הארציג ביז גאר, ווי אייביג

נשלח: **מיטוואך סעפטעמבער 05, 2012 6:39 pm**

ווער געדענקט?

(בנוסח אונגאריש). ווייסטע וואס? לאז אפ מיין בארד, לאזעך אפ דיין בארד...

נשלח: **דאנערשטאג סעפטעמבער 06, 2012 1:48 pm**

ידען האט געשריבן:
שמעקעדיג האט געשריבן:און פארוואס א עקסטערע אשכול ווען ס'שטייט שוין ביי "יהא זכרו ברוך"?
(שוין געבעטן די מנהלים צו צוזאמענשמעלצן.)

צאמגעשטעלט.

פארוואס טאקע פארדינט נישט אזא יוד א באזונדערע אשכול?
העכסטנס לייגן א לינק דא

נשלח: **דאנערשטאג סעפטעמבער 06, 2012 2:05 pm**

קלאר האט געשריבן:
ידען האט געשריבן:
שמעקעדיג האט געשריבן:און פארוואס א עקסטערע אשכול ווען ס'שטייט שוין ביי "יהא זכרו ברוך"?
(שוין געבעטן די מנהלים צו צוזאמענשמעלצן.)

צאמגעשטעלט.

פארוואס טאקע פארדינט נישט אזא יוד א באזונדערע אשכול?
העכסטנס לייגן א לינק דא

ווילסט נישט אז פאר יעדע וואלע ערליכע איד זאל מען עפענען דא א אשכול, ערגעץ דארף זיין א סטאפ

נשלח: **דאנערשטאג סעפטעמבער 06, 2012 2:15 pm**

ידען האט געשריבן:ווער געדענקט?

(בנוסח אונגאריש). ווייסטע וואס? לאז אפ מיין בארד, לאזעך אפ דיין בארד...

איך רעד דאך פונעם הויז......ן, איי משה יושע, מי יתן לנו תמורתך

נשלח: **דאנערשטאג סעפטעמבער 06, 2012 2:25 pm**

חד גדיא האט געשריבן:
גאלד האט געשריבן:א בילד ביטע?

קרעדיט אייוועלט

איז ער נישט זיין מ''מ אלס באס דיספעטשער אין סאטמאר 76?

נשלח: **זונטאג סעפטעמבער 16, 2012 1:18 am**

א ביטערע טראגעדיע האט פאסירט דעם פארגאנגענעם שבת פר' נצבים, ווען עס איז ל"ע נפטר געווארן מרת חיה שרה מרים סעגעדין ע"ה, אשת הר"ר מאיר יוסף סעגעדין, פון די הארדוועיר סטאר אין וויליאמסבורג. זי איז געוועהן בלויז 43 יאר. פאריאר בערך פורים צייט האט זי באקומען די דיאגנאז אז זי ליידט אויף די ביטערע מחלה ר"ל. די וואך איז זי שוין געווארן בעסער א דאנק די טריעטמענט'ס, אבער ליידער האט זי באקומען א אינפעקשאן און זי איז נפטר געווארן, איבערלאזנדיג א שטוב פון 11 קינדער אינדערהיים, די יונגסטע פון זיי בלויז איין יאר אלט, ה"י. זי האט אויך איבערגעלאזט א קינד פון איר שוועסטער ע"ה, וואס נאכדעם וואס איר שוועסטער איז נפטר געווארן האט זי אריינגענומען ווי אן אייגן קינד.
_____
נ.ב. איך האב ערשט געהערט די נייעס אויף קול מבשר, ווי ער האט עס געמאלדן מיט א טרוקענע שטימע און טרוקענע ווערטער, אן קיין שום געפילן, אזוי ווי ער וואלט געמאלדן אז לי עוועניא פאטא האט א סעיל. אז ער וויל זיין א טרוקענער נייעס רעפארטער וועל איך נישט האבן קיין טענות, אבער אז א אלטע פארקאלעכטע 90 יעריגע רעביצין ווערט נפטר זאגט אייביג קול מבשר אז ס'איז געקומען די "ביטערע בשורה" אז די רעביצין איז נפטר געווארן. אויב יענץ איז א ביטערע בשורה, וואסערע מין בשורה איז דאס ווען א 43 יעריגע מאמע פון 11 קינדער ווערט אוועקגעריסן???!!!

נשלח: **זונטאג סעפטעמבער 16, 2012 1:43 am**

איינער האט פריער אראפגעקלאפט צוויי פרויען אויף בעדפארד און איינע איז געשטארבען נאך א שעה אין שפיטאל. (אפשר ביי דעם האט קול מבשר יא געמאכט א וויינענדיגע קול)

נשלח: **זונטאג סעפטעמבער 16, 2012 1:49 am**

ידען האט געשריבן:איינער האט פריער אראפגעקלאפט צוויי פרויען אויף בעדפארד און איינע איז געשטארבען נאך א שעה אין שפיטאל. (אפשר ביי דעם האט קול מבשר יא געמאכט א וויינענדיגע קול)

מרת הינדל גיטל כ"ץ
93 יאר

נשלח: **זונטאג סעפטעמבער 16, 2012 8:22 am**

אוי געוואלד. לאמיר אלע שרייען הויך צוזאמען:
תכלה שנה וקללותיה!!

נשלח: **זונטאג סעפטעמבער 16, 2012 8:25 am**

http://nypost.com/p/news/local/brooklyn ... TxkP9YjmFP

נשלח: **זונטאג סעפטעמבער 16, 2012 8:40 am**

http://www.mycentraljersey.com/article/ ... ck_check=1

נשלח: **זונטאג סעפטעמבער 16, 2012 8:48 am**

ראשעקאל האט געשריבן:א ביטערע טראגעידיע איז געוועהן די שבת ווען עס איז ל"ע נפטר געווארן מרת חיה שרה מרים סעגעדין ע"ה אשת הר"ר מאיר יוסף סעגעדין פון די הארדוועיר סטאר אין וויליאמסבורג. זי איז געוועהן בלויז 43 יאר. פאריאר בערך פורים צייט האט זי באקומען די דאיעגנאוז אז זי ליידט אויף די ביטערע מחלה ר"ל. די וואך איז זי שוין געווארן בעסער א דאנק די טריטמענט'ס, אבער ליידער האט זי באקומען א אינפעקשאן און זי איז נפטר געווארן איבערלאזענדיג א שטוב פון 11 קינדער אינדערהיים, די יונגסטע פון זיי בלויז איין יאר אלט ה"י. זי האט אויך איבערגעלאזט א קינד פון איר שוועסטער ע"ה, וואס נאכדעם וואס איר שוועסטער איז נפטר געווארן האט זי אריינגענומען ווי אן אייגן קינד.
_____
נ.ב. איך האב ערשט געהערט די נייעס אויף קול מבשר, ווי ער האט עס געמאלדען מיט א טריקענע שטימע און טריקענע ווערטער אן קיין שום געפילן, אזוי ווי ער וואלט געמאלדען אז לי עוועניא פאטא האט א סעיל. אז ער וויל זיין א טריקענע נייעס רעפארטער וועל איך נישט האבן קיין טענות, אבער אז א אלטע פארקאלעכטע 90 יעריגע רעבעצען ווערט נפטר זאגט אייביג קול מבשר אז ס'איז געקומען די "ביטערע בשורה" אז די רעבעצען איז נפטר געווארן. אויב יענץ איז א ביטערע בשורה, וואסערע מין בשורה איז דאס ווען א 43 יעריגע מאמע פון 11 קינדער ווערט אוועקגעריסען???!!!

די הארץ רייסט, וואו מ'גייט הערט מען פון מענטשן דעם זעלבן פזמון.

ליידער די שאק איז נישט נאר פאר אירע קרובים, נאר אפי' די אייגענע קינדער זענען ערשט געוואר געווארן צוויי דריי וואכן צוריק אז די מאמע זייערע ליידט נעבעך פון די ביטערע מחלה.

הוי! ווען אלע וואסערן וואלטן געווען טרערן וואלט מען נישט גענוג געקענט וויינען אויף אזא טראגעדיע!

די לוי' האט אויסגעקוקט שרעקליך, די טרערן, בכיות, קולות וברקים עד לב השמים.

די יודעי דבר זאגן אז אזא לוי' איז דאס ערשטע אין די היסטאריע.

מ'האט שוין ליידער געהערט א יונגע מאמע גייט אוועק;

מ'האט שוין ליידער געהערט אז איינער פארלאזט די וועלט פלוצלינג;

מ'האט שוין ליידער געהערט אז עס ווערן נפטר צוויי קינדער פון די זעלבע משפחה;

מ'האט שוין ליידער געהערט אז א מאמע לאזט איבער א יונג קינד פון 10 חדשים;

אבער אלעס אינאיינעם, הוי!!!!!

ווי איז דא די כוחות דאס אריבערצוטראגן......

ווי אזוי קען א טאטע אזוי אנגיין ווען ער זעט זיין צווייטע טאכטער געזעגענט זיך, איבערלאזענדיג א שטוב מיט פיצלעך, נאר צוויי חתונה געהאט און איין חתן אין שטוב.....

זאל זי זיין א גוטע בעטער!