קאווע שטיבל

שאלתיאל האט געשריבן:מי אני, איך הער וואס די זאגסט אבער דארפסט נעמען אינאכט אז:
1. דער מענטש וואוינט אין אן אנדערע קאנטינענט פון דעם רבי'ן און ער האט זיך נאך קיינמאל געטראפן פערזענליך. צופעליג האט ער זיך געפינען אלץ גאסט אין זעלבן שטאט.
2. דער רבי פירט אן א ריזיגע חסידות פון טויזענטע מענטשן, קוים וואס ער קען זיינע אייגענע מענטשן
3. דער מענטש איז באקאנט אלץ שארפע מתנגד צום רבי'ן, אזוי ווייט אז ער טרעט נישט אריין אין די שטיבל פון די חסידות אין שטאט וואו ער וואוינט
4. בלויז ער און זיינע בני בית האבן געוויסט דערפון
5. עס איז דעמאלט געווען אין אנהייב פון דעם מחלה און ס'איז נישט געווען ניכר אויף אים בכלל. דער מענטש אליין האט מיר געזאגט אז ס'נישט מעגליך אז ער האט געקענט וויסן דערפון.
6. איך ווייס נישט פונקט וואס איז דאס רוח הקודש, איך האב בעיקר געמיינט צו זאגן אז עס (קוקט אויס עכ"פ) נישט בדרך הטבע.

דערפאר איז מיר שווער אנצונומען דיינע הסברים

עס איז מיר נאך אלס מער מסתבר צו זאגן אז ער האט א חוש צו עפעס אזוי ווי קאָלד ריִדיִנג וכדומה, די טעכניק(ן) מיט וואס סייקיקס, מענטעליסטס ודכוותייהו באנוצן זיך מיט, ווי איידער זאגן ״רוה״ק״, אובערנאטורליך אא״וו.

עס איז סתם אזוי מן הראוי לציין אין דעם טעמע בכלל צו דוד הום׳ס באקאנטע מימרא לגבי אמונה בנס [פרטי] שמספרים.

און אויב גיי איך דיר ברענגען עטליכע סארטן מעשיות וואס איז שווער צו פארשטיין נאטורליך לאו דווקא פון דעם 'חוש' ?

לאמיר זאגען די רבי נעמט אויף הונדרעטע מענטשען א טאג און ווען ער פרעגט איינעם וואס מאכט איר ערנפערט יעדע געזונטע מענטש ברוך השם און דער איד האט עס געזאגט מיט א קליינע קרעכץ. אדער איז ער געווען זייער פארקלאצט ווען ער האט גערעדט מיט אים וועגן זיין טאטע וואס איז אוועק אינג. וכו' וכו'

דאס איז רוח הקודש?. גאעטעניא.

רוח הקודש איז אויב זאגט ער מיר דריי מאל וויפיל דאללערס ליגט און מיין בערזעל.ַ

שאלתיאל האט געשריבן:און אויב גיי איך דיר ברענגען עטליכע סארטן מעשיות וואס איז שווער צו פארשטיין נאטורליך לאו דווקא פון דעם 'חוש' ? [emoji38]

און 'רוח הקודש' ווייסטו יא וואס ס'איז?! דאס פארשטייסטו יא?!

אז איינער האט גענומען א באנדע טשיקאווע, מאדנע און אומפארשטענדליכע פאסירונגען און זיי "פארענטפערט" מיט א נאכמער-אומקלארען קאוד גערופן 'רוח הקודש', ווערט דאס א צופרידענשטעלנדע הסבר?! קענסט דאך שוין בלייבן ביים קשיא פאר די געלט..

פ"וו אויף דיין אנגעבליכע פליאה איז דיר פארשטענדליך נאר די מערסט אומפארשטענדליכע הסבר?

ס'איז בעצם נאך טיפער. ווי @שאלתיאל זאגט:

שאלתיאל האט געשריבן:איך האב מיטגעהאלטן מיט מיין אייגענע אויגן עטליכע סיפורים ביי מיין רבי'ן. ווי אויך קען איך עטליכע אזעלכע פונדערנאנט וואס מען קען נישט אויסטייטשן (לענ"ד) נאר אלץ אפענע רוח הקודש.

והיינו, מ'איז שוין דא previously inclined און מ'האט שוין דא בעצם א בּייעס מעיקרא אויף אויסצוטייטשן די סארט מעשיות אויף "הייליגס", "העכערס", "רוה"ק" וכדומה. דאס איז בנוגע דער וואס איז שוין א חסיד/אָנהענגער/מעריץ מעיקרא (טאמער נעמט מען אָן אז ער איז שוין געווען א חסיד/אָנהענגער/מעריץ מעיקרא, און נישט אז ער איז געווארן דערנאך א חסיד טאקע ווען ער האט געזעהן/געהערט די מעשיות).

ואפילו טאמער גייט מען זאגן אז "איך האב עס געהערט פון א שונא זיינס" איז אויך נישט קיין ראיה. והיינו, לו יצוייר טאמער וואלט געווען די מעשה מיט א פשוט'ע חבר זיינער וואס זאגט אים "רפואה שלימה", וואלט ער לכאורה דאס נישט אנגעהאנגען אין "הייליגס", "העכערס", "רוה"ק" וכו', נאר אין עפעס מער פשוט סערענדיפּיטאס - "פונקט געלונגען" וכדומה. איז דא אז ער איז עס שוין יא תולה אין דעם צייגט דאס לכאורה אז אפילו ביי אים, דער שונא, ליגט אבער דאך א הנחה קדומה אז דער האט עפעס "העכערס" מכח'ן ראלע זיינער פון רב איצטלא דרבנן אא"וו.

אגב, פון די עקספיריענס פון מיין טאטן הכ"מ איז טרעפט מען נישט די מחלה פונקט ביי סתם עפעס א יערליכע טשעק-אָפּ. מ'שפירט זיך נישט גוט מעיקרא און מ'גייט זיך אונטערזוכן ספעציעל; אפילו וואו עס איז אין די פריע סטעידזשעס. (מיין פאטער האט אויך געהאלטן אז מ'קען נישט זעהן גארנישט אויף אים, אבער מ'האט שוין געקענט זעהן א שטיק צייט פאר דעם אז "עפעס" איז נישט אינגאנצן בסדר.) קען זיין דאס האט דער רבי אויפגעכאפט. עכ"פ ביי מיר איז דאס מער מסתבר.

פערינא האט געשריבן:לאמיר זאגען די רבי נעמט אויף הונדרעטע מענטשען א טאג און ווען ער פרעגט איינעם וואס מאכט איר ערנפערט יעדע געזונטע מענטש ברוך השם און דער איד האט עס געזאגט מיט א קליינע קרעכץ. אדער איז ער געווען זייער פארקלאצט ווען ער האט גערעדט מיט אים וועגן זיין טאטע וואס איז אוועק אינג. וכו' וכו'

דאס איז רוח הקודש?. גאעטעניא.

רוח הקודש איז אויב זאגט ער מיר דריי מאל וויפיל דאללערס ליגט און מיין בערזעל.ַ

אויב זאגט ער נאר איינמאל איז נישט גוט?
איך דארף נישט ער זאל מיר זאגן וויפיל איך האב אין בערזל ענדערש זאל ער מיר זאגן די נומערן פון די לאטערי. סדאך דא אזעלכע מעשיות פון פריערדיגע צדיקים

ערנסט גערעדט רוח הקודש איז נישט קיין סייענס אויב איז דער צדיק א הייליגע איד האט ער רוח הקודש ער דארף נישט וויסן וויפיל געלט די האסט אין טייסטער

זאל ער זאגן וויפיל געלט ער האט אין זיין בערזל...

מרדכי מרדכי האט געשריבן:

פערינא האט געשריבן:לאמיר זאגען די רבי נעמט אויף הונדרעטע מענטשען א טאג און ווען ער פרעגט איינעם וואס מאכט איר ערנפערט יעדע געזונטע מענטש ברוך השם און דער איד האט עס געזאגט מיט א קליינע קרעכץ. אדער איז ער געווען זייער פארקלאצט ווען ער האט גערעדט מיט אים וועגן זיין טאטע וואס איז אוועק אינג. וכו' וכו'

דאס איז רוח הקודש?. גאעטעניא.

רוח הקודש איז אויב זאגט ער מיר דריי מאל וויפיל דאללערס ליגט און מיין בערזעל.ַ

אויב זאגט ער נאר איינמאל איז נישט גוט?

ניין! ס'פעלט אויס דריי מאל, ווייל אויב זאגט ער נאר איין מאל וועט זיין אן אויבער חכם וואס וועט זאגן דאס די פראבעבילעטי דאס זאל פאסירען איז איינס און פיפצען ביליען - און דאס האט יעצט פאסירט

תוהו ובוהו האט געשריבן:

שאלתיאל האט געשריבן:און אויב גיי איך דיר ברענגען עטליכע סארטן מעשיות וואס איז שווער צו פארשטיין נאטורליך לאו דווקא פון דעם 'חוש' ? [emoji38]

און 'רוח הקודש' ווייסטו יא וואס ס'איז?! דאס פארשטייסטו יא?!

אז איינער האט גענומען א באנדע טשיקאווע, מאדנע און אומפארשטענדליכע פאסירונגען און זיי "פארענטפערט" מיט א נאכמער-אומקלארען קאוד גערופן 'רוח הקודש', ווערט דאס א צופרידענשטעלנדע הסבר?! קענסט דאך שוין בלייבן ביים קשיא פאר די געלט..

פ"וו אויף דיין אנגעבליכע פליאה איז דיר פארשטענדליך נאר די מערסט אומפארשטענדליכע הסבר?

ווי ערווענט פריער ווייס איך נישט וואס איז דאס 'רוח הקודש', וואס איך ווייס איז אז ס'דא אזא מושג פון צדיקים וואס קענען זעהן זאכן וואס פשוט'ע מענטשן קענען נישט זען.
ווען עס ווען וואלט געווען איין מאדנע עפיזאד וואלט איך אויך פראבירט אריינצוקוועטשן אן הסבר אבער ווען ס'זאמעלט זיך אן מיט די יארן צענדליגע מעשיות וואס א טייל פון זיי האב איך אליין בייגעוואונט קוקט מיך אויס מער מאדנע צו פראבירן קוועטשן הסברים פון אונטער דער ערד אויף יעדן אייינס עקסטער און אנעמען אז ער איז באמת אן magician, א כישוף מאכער, א קאלד רידער א דאקטער און א סי איי עי אגענט ביינעזאם נאר אנדערש איז מיר מער פארשטענדליך אנצונעמען אז די אלע זאכן צוזאמען ווייזן אן אויף עפעס אן העכערן כוח.

ביזט הייליג גערעכט אז יעדער זאך אויף דער וועלט קען מען ערקלערן און פארטייטשן אז ס'זאל שטימען מיט סייענס און אוועקמאכן יעדער זאך וואס איז נישט 100 פראצענט אמפיריש, סייענטיסטיש, און סטאטיסטיש
און דערפאר איז ידי על התחתונה אן א ביג וועי אבער דעמאלט ווערט מיר שווער פארוואס ווען רוב סייענטיסטן זאגן אז דער וועלט איז באשאפן געווארן פון זיך אליין און האבן זאגאר הסברים וויאזוי, פארוואס נעמסטו אן דעם מערסט אומפארשטענדליכען הסבר אז ס'דא א נאכמער-אומקלארן קאוד גערופן 'גאט' וואס איז העכער אלעם און ער האט באשאפן דער וועלט?! קענסט דאך שוין בלייבן ביים קשיא פאר די געלט....

כ'גלויב אויך אז די ניסים אין מצרים, קריעת ים סוף אדער סיי וועלעכ נס ס'שטייט אין תורה קען @מי אני אויך ערלערן פיל מער ראציאנל און פארשטענדליך (באגלייט מיט ציטאטן און פילאסאפן) ווי צו זאגן אז ס'איז ''עפעס העכערס''. און אז יעדער סייענסטיסט וועט דיר אפרעגן און א ליאדע מינוט אז ס'דא אזא פארנעפלטע זאך ווי 'מעל הטבע ' אדער 'נשמה' 'גאט', די קאלטע פארשטענדליגע ראצינאלע סייענס, לאגיק, און סטאטיסטישע ציפערן וועלן שטענדיג שטיין אויף זיין זייט.

'מעל הטבע ' אדער 'נשמה' 'גאט', איז אזא גיטער הסבר וואו גרעוועטי איז א הסבר פארוואס א שטיין פאלט צי דער ערד
אבער דער וואס איז סטאק און קען נישט אננעמען אז בכלל עקזעסטירט דאס וואוס איז מאטא-פיזשיש דער האט מיט דעם א פראבלעם

שאלתיאל האט געשריבן:

עצי שטים האט געשריבן:

שאלתיאל האט געשריבן:איך האב מיטגעהאלטן מיט מיין אייגענע אויגן עטליכע סיפורים ביי מיין רבי'ן ווי אויך קען איך עטליכע אזעלכע פונדערנאנט וואס מען קען נישט אויסטייטשן (לענ"ד) נאר אלץ אפענע רוח הקודש.

נו געב ארויס.. כ"ק מרן אדמו"ר מ..?

איך וועל נישט זאגן ווער איז דער אדמו"ר, זיכער נישט דא בפומבי, און נישט אלעס קען איך דערציילן איך וועל יא דערציילן איין עפיזאד וואס איך האב עס געהערט פונעם בעל המעשה.
י.ה. א איד אין די זעכציגער יארן איז פארעכנט אויף די מתנגדים פון דעם רבי'ן, אייגנטליך האט ער אים קיינמאל נישט געטראפן פאר דעם, ער וואונט נישט אין דעם זעלבן לאנד בכלל. יענער טאג איז ער געווען ביי א חופה ווי דער רבי איז געווען און ער האט אים געגעבן דאס האנט, דער רבי האט אים געזאגט ' א רפואה שלימה', ער איז געווען אין שאק. עטליכע טעג פארדעם האט ער באקומען דער דיאגנאזע פון דאקטאר אז ער ליידט אויף קענסער ל"ע, ער האט עס געהאלטן בסוד און נאכנישט פארציילט קיינעם חוץ זיין נאנטע משפחה, און דא וואנטש ער אים א 'רפואה שלימה'. ווער ס'קען מיר מסביר זיין דעם סיפור אויפן דרך הטבע איז מכובד.

די רבי האט געמיינט ער רעדט צו א צווייטן וואס יענער האט געדארפט א ישועה. ער האט זיך פשוט פארמישט.
אנדערע ריפן דאס סינייל

שמעון וואלף: מ'פארציילט אן ענליכע מעשה. כ'מיין אין די שטאט סאטמאר איז געווען א דאקטאר וועלכער האט געקענט דיאגנאזירן די מחלה פון א מענטש דורך אנכאפן זיין האנט. איז ער אמאל געקומען צו א פאציענט און דער דאקטאר נעמט זיך שרייען...דער מענטש איז שיכור. ער האט געטרונקען בראנפן...! די מענטשן אין שטוב קוקן איהם אן מיט פארוואונדערונג. דער מענטש האט אפילו וואסער נישט געטרונקען. האבן זיי באמערקט ווי דער דאקטער האט אנגעכאפט זיין אייגענע האנט. ער איז געווען טויט שיכור...!

איינע(ר) אין מיין משפחה האט פאר עטליכע חדשים אויסגעזעהן בלאס. און פארלוירן וואג. איך האב עם (איהר) עטליכע מאל געפרעגט דו פיהלסט גוט? האט ער/זי אייביג געענטפערט. יא. זיכער. שפעטער האט מען איהם (איהר) ל"ע דיאגנאזירט מיט יענע מחלה. ס'איז שוין געווען צו שפעט. זי איז ל"ע אוועק. ווילסטו זאגן אז דער בעל עגלה האט רוח הקודש?!

berlbalaguleh האט געשריבן:איינע(ר) אין מיין משפחה האט פאר עטליכע חדשים אויסגעזעהן בלאס. און פארלוירן וואג. איך האב עם (איהר) עטליכע מאל געפרעגט דו פיהלסט גוט? האט ער/זי אייביג געענטפערט. יא. זיכער. שפעטער האט מען איהם (איהר) ל"ע דיאגנאזירט מיט יענע מחלה. ס'איז שוין געווען צו שפעט. זי איז ל"ע אוועק. ווילסטו זאגן אז דער בעל עגלה האט רוח הקודש?!

בבחינת ניבא ולא ידע מה ניבא

מרדכי מרדכי: לא ניבא ולא לא ידע מה ניבא. איך האב עס פון אנהייב חושד געווען אז זי האט יענע מחלה, ל"ע. נאר איך האב עס נישט געוואלט ארויסזאגן בפירוש. איך האב נאר מרמז געווען אז זי זאלל גיין אויסטשעקן דעם מצב. נאר זי האט געטענה'ט אז זי פיהלט (זייער) גוט. זי איז אפילו געגאנגען א יעדן טאג אין דזשאב. עד זיבולא בתרייתא.

א רבי וואס האט משפחות פון וויסטע שונאים, און האט געירשענט א חסידות פון טויזענטער משפחות האט נישט קיין רוח הקודש, איך קען נישט אזא רבי וואס האט טויזענטער חסידים וואס האט רוח הקודש, ס'איז נישט דא אזאנס, די גרויסע אדמורי"ם האבן געירשענט זייערע חסידות'ן צוזאמען מיט די בילדינגס פון זייערע עלטערן אן גארנישט טון דערפאר חוץ געבוירן ווערן ביי די ראיעל פאמיליע'ס, און זיי באקומען שוין די רוח הקודש אינקלודעד אין די ירושה.....

תרמב האט געשריבן:א רבי וואס האט משפחות פון וויסטע שונאים, און האט געירשענט א חסידות פון טויזענטער משפחות האט נישט קיין רוח הקודש, איך קען נישט אזא רבי וואס האט טויזענטער חסידים וואס האט רוח הקודש, ס'איז נישט דא אזאנס, די גרויסע אדמורי"ם האבן געירשענט זייערע חסידות'ן צוזאמען מיט די בילדינגס פון זייערע עלטערן אן גארנישט טון דערפאר חוץ געבוירן ווערן ביי די ראיעל פאמיליע'ס, און זיי באקומען שוין די רוח הקודש אינקלודעד אין די ירושה.....

דער רבי פון וועם איך רעד (דא בין איך כמעט מגלה בעל כורחי פון וועם מען רעדט) האט אויפגעבויעט זיך אליין און זיין חסידות מיט שווייס און בליט פון א' ביז ת'.

שאלתיאל האט געשריבן:

תרמב האט געשריבן:א רבי וואס האט משפחות פון וויסטע שונאים, און האט געירשענט א חסידות פון טויזענטער משפחות האט נישט קיין רוח הקודש, איך קען נישט אזא רבי וואס האט טויזענטער חסידים וואס האט רוח הקודש, ס'איז נישט דא אזאנס, די גרויסע אדמורי"ם האבן געירשענט זייערע חסידות'ן צוזאמען מיט די בילדינגס פון זייערע עלטערן אן גארנישט טון דערפאר חוץ געבוירן ווערן ביי די ראיעל פאמיליע'ס, און זיי באקומען שוין די רוח הקודש אינקלודעד אין די ירושה.....

דער רבי פון וועם איך רעד (דא בין איך כמעט מגלה בעל כורחי פון וועם מען רעדט) האט אויפגעבויעט זיך אליין און זיין חסידות מיט שווייס און בליט פון א' ביז ת'.

א ירושה פון א פעטער איז אויך נישט אוועקצומאכן....

דער ספעציפישער רבי וואס דו ווילסט נישט פורש בשמו זיין, האט שוין איינמאל געירשנט א ברענד, רוח הקודש אריינגערעכנט.

נא בינעך נייגעריג פון וועם מען רעד. קען איינער פורש בשמו זיין?

שאלתיאל האט געשריבן:

תרמב האט געשריבן:א רבי וואס האט משפחות פון וויסטע שונאים, און האט געירשענט א חסידות פון טויזענטער משפחות האט נישט קיין רוח הקודש, איך קען נישט אזא רבי וואס האט טויזענטער חסידים וואס האט רוח הקודש, ס'איז נישט דא אזאנס, די גרויסע אדמורי"ם האבן געירשענט זייערע חסידות'ן צוזאמען מיט די בילדינגס פון זייערע עלטערן אן גארנישט טון דערפאר חוץ געבוירן ווערן ביי די ראיעל פאמיליע'ס, און זיי באקומען שוין די רוח הקודש אינקלודעד אין די ירושה.....

דער רבי פון וועם איך רעד (דא בין איך כמעט מגלה בעל כורחי פון וועם מען רעדט) האט אויפגעבויעט זיך אליין און זיין חסידות מיט שווייס און בליט פון א' ביז ת'.

שוין אויסגעזאגט ווען די האסט געזאגט אז ער האט וויסטע שונאים...

Sent from my Pixel using Tapatalk

תרמב: א רבי קען ירשנ'ען בילדינגס , חסידים און אנדערע טשעטל/שאטטעל (נכסים). אבער ער קען נישט ירשנ'ען רוח הקודש. לי יצוייר/ את"ל אז דער אלטער רבי האט געהאט רוה"ק. אבער זיין יורש האט עס נישט.

יא. תפיסת המחשבה איז געווען ביי א סאך צדיקים. מיין רבי האט עס אויך. אבער איך בין עס נישט תולה אין רוח הקודש. נאר ענדערש אין פסיכאלאגיע. ער קען מיך. און ער ווייסט מיינע . משוגעת'ן. און ער טרעפט צו וואס איך וויל טון אדער זאגן.