קאווע שטיבל

ר'איד האלט אייך נישט אפ אין שיקט ארויס סיי וועלכע נייעס

נייעס

קאסאווא באעהרט אידן-רעטער
מיט נייע סטאטוע
פריסטינא – א סטאטוע וועלכע פארמאגט די נעמען פון 23 קאסאווער אלבאניער וואס האבן געראטעוועט אידן ביים האלאקאוסט איז באנייט געווארן נעכטן אינעם קאסאווא הויפּטשטאט פריסטינא. די "וואנט פון עהרע" סטאטוע איז אריינגעשטעלט געווארן אין א לאקאלע פּארק אין אנוועזנהייט פון פּאליטישע פירער, אמבאסאדארן פון אמעריקע און דייטשלאנד, און עטליכע אייניקלעך און אפּשטאמיגע פון די וועלכע האבן געראטעוועט אידן אין לויף פונעם קריג.

טראגעדיע: יונגערמאן
אומגעקומען אין שווייצער בערג

אייראפּע – א שווערע טראגעדיע האט נעכטן פּאסירט ווען א יונגערמאן פון מאנטשעסטער, ענגלאנד איז אומגעקומען בשעת'ן זיך געפונען אויף וואקאציע אין דער שווייץ. האברך בנש"ק ר' אברהם ראבינאוויטש ע"ה, וועלכער איז אן אייניקל פון יבדלחט"א כ"ק אדמו"ר מביאלא שליט"א פון שווייץ און כ"ק אדמו"ר מקאפּיטשיניץ שליט"א פון ירושלים, איז געווען אויף א "פּאראגליידינג" אויספלוג אויף די שווייצער אלפּען בערג ווען ער איז פארשוואונדן געווארן. מ'האט געטראפן דעם "פּאראגליידער" און נישט אים. א קורצע צייט שפּעטער האט מען אים געטראפן ליידער נישט בין החיים. יהא זכרו ברוך

שווערע עקסידענט שפארט
אפּ וויכטיגע בי-קיו-אי שאסיי

ברוקלין – אן עקסידענט וואס האט פּאסירט נעכטן פארטאגס אויפ'ן וויכטיגן ברוקלין קווינס עקספּרעסוועי שאסיי האט געפירט צו מאסיווע טראפיק פּאראליזן אינעם ראיאן פאר לאנגע שטונדן. דער עקסידענט האט פּאסירט ווען צוויי טראקטאר-טרעילארס אין די וועסטבאונד ליניעס האבן זיך צוזאמגעשטויסן, און פיר זענען פארוואונדעט געווארן און געפינען זיך אין א סטאבילן צושטאנד. די פארלאנגזאמטע טראפיק האט אפעקטירט אויך די מאנהעטן בריק און וויליאמסבורג בריק פאר לאנגע שטונדן.

הונדערטער אנגעקלאגט איבער
קאוויד געלט שווינדלערייען

וואשינגטאן – דער יוסטיץ דעפּארטמענט האט נעכטן געמאלדן אז 371 זענען אנגעקלאגט געווארן אין פארבינדונג מיט שווינדלערייען פון קאראנא ווירוס הילפס געלטער פון די פעדעראלע רעגירונג. די באאמטע זאגן אז פון די 371 אנגעקלאגטע האבן 119 זיך דערקלערט שולדיג אדער שוין געווארן געפונען שולדיג ביי א פּראצעס, און די קלאגעס זענען געווען אין פארבינדונג מיט מער ווי אכט הונדערט מיליאן דאלער פעדעראלע קאוויד הילפס געלטער. אסאך האבן באקומען גרויסע געלט שטראפן.

יידישע נייעס

אביסל טראמפ נייעס
אנקעטע צייגט פארגלייבטקייט
פון טראמפּ שטיצער
וואשינגטאן – א מערקווירדיגע אנקעטע צייגט ווי ווייט פארגלייבט דאנאלד טראמפּ'ס שטיצער זענען אין אים, אז זיי געטרויען אים מער ווי זיי געטרויען זייערע נאנטסטע מענטשן. די "סי-בי-עס ניוז" אנקעטע צייגט אז 71 פּראצענט טראמפּ שטיצער שפּירן אז וואס ער זאגט זיי איז אמת, אינדערצייט וואס בלויז 63 פּראצענט טראמפּ שטיצער געטרויען וואס זייערע פאמיליע מיטגלידער זאגן זיי און בלויז 42 פּראצענט טראמפּ שטיצער געטרויען וואס זייערע רעליגיעזע פירער זאגן זיי

אילין מאסק האט געשריבן:שווערע עקסידענט שפארט
אפּ וויכטיגע בי-קיו-אי שאסיי

ברוקלין – אן עקסידענט וואס האט פּאסירט נעכטן פארטאגס אויפ'ן וויכטיגן ברוקלין קווינס עקספּרעסוועי שאסיי האט געפירט צו מאסיווע טראפיק פּאראליזן אינעם ראיאן פאר לאנגע שטונדן. דער עקסידענט האט פּאסירט ווען צוויי טראקטאר-טרעילארס אין די וועסטבאונד ליניעס האבן זיך צוזאמגעשטויסן, און פיר זענען פארוואונדעט געווארן און געפינען זיך אין א סטאבילן צושטאנד. די פארלאנגזאמטע טראפיק האט אפעקטירט אויך די מאנהעטן בריק און וויליאמסבורג בריק פאר לאנגע שטונדן.

ייש"כ: יא. איך האב טאקע געהאט זייער א שווערע נסיעה גייענדיג צו מיין ביהמ"ד שבת אינדערפריה. איך בין ערשט אנגעקומען 11:50 אזייגער. יעצט ווייס איך שוין פארוואס.

berlbalaguleh האט געשריבן:

אילין מאסק האט געשריבן:שווערע עקסידענט שפארט
אפּ וויכטיגע בי-קיו-אי שאסיי

ברוקלין – אן עקסידענט וואס האט פּאסירט נעכטן פארטאגס אויפ'ן וויכטיגן ברוקלין קווינס עקספּרעסוועי שאסיי האט געפירט צו מאסיווע טראפיק פּאראליזן אינעם ראיאן פאר לאנגע שטונדן. דער עקסידענט האט פּאסירט ווען צוויי טראקטאר-טרעילארס אין די וועסטבאונד ליניעס האבן זיך צוזאמגעשטויסן, און פיר זענען פארוואונדעט געווארן און געפינען זיך אין א סטאבילן צושטאנד. די פארלאנגזאמטע טראפיק האט אפעקטירט אויך די מאנהעטן בריק און וויליאמסבורג בריק פאר לאנגע שטונדן.

ייש"כ: יא. איך האב טאקע געהאט זייער א שווערע נסיעה גייענדיג צו מיין ביהמ"ד שבת אינדערפריה. איך בין ערשט אנגעקומען 11:50 אזייגער. יעצט ווייס איך שוין פארוואס.

וואס מאכט עס אויס שבת וואקט מען??